چیرۆکی جەمشید

ناوی من جەمشیدە و خەڵکی ئەفغانستانم من لە خێزانێکی زۆر ئاینی لەدایک بووم و گەورە بووم، ئەمە ئەو شتەیە کە زۆربەی خێزانەکان لە وڵاتەکەم دەیکەن لەبەر هەژاری نەمتوانی خوێندنەکەم تەواو بکەم لە تەمەنی زووەوە، وەک زۆرێک لە منداڵان لە ئەفغانستان، دەستم کرد بە کارکردن بۆ یارمەتیدانی خێزانەکەم. وەک زۆرێک لەگەنجانی ئەفغان، لە تەمەنی ١٩ ساڵیدا هاوسەرگیریم کرد پاش ماوەیەکی کورت خودا به لە دایک بوونی کوڕێک بەرەکەتی لێ کردین. ژیانمان زۆر سادە بوو بەڵام ئێمە دڵخۆش بووین.

کاتێک کوڕەکەم دوو ساڵ بوو، ژنەکەم و کوڕەکەم لەلایەن یەکێک لە هۆزەکانەوە ڕفێندران. من هەوڵم دا بەدوایاندا بگەڕێم، بەڵام نەمتوانی ئەوان بدۆزمەوە. دوای ماوەیەک، لە لایه ن خێزانی ژنەکەمەوە هه ڕه شه م لێکرا بۆ کوشتنی من ئەگەر نەمتوانی کچەکەیان بدۆزمەوە. من توانای ئەوەم نەبوو، چونکە پێویستی بە پارە و پیاو و چەک بوو. دوای هەڕەشە دووبارەکان، بڕیارم دا لە ساڵی ٢٠٠٠ وڵات جێ بهێڵم من وڵاتەکەم جێهێشت و گەشتم کرد لە نێوان چەند وڵاتێکی دراوسێدا. دوای چەندین کێشە و گرفت لە سوریا کۆتاییم پێ هات لەوێ تووشی هەندێک زەحمەت بووم وەک ئەوەی بە عەرەبی قسەم نەکرد. من پێویستم بە کارێک بوو بۆ مانەوە، بەڵام بۆ ماوەیەکی زۆر نەمتوانی یەکێک بدۆزمەوە.

دوای ماوەیەک، لە نانەواخانە ئیشێکم دەست کەوت، ولە هەمان شوێن ده خەوتم. خاوەنی نانەواخانە مەسیحییەکی لوبنانی بوو بە پێی بیرکردنەوەم، کافر بوو من نەمدەویست کاری بۆ بکەم، بەڵام بە داخه وه پێویستم بە کارەکە بوو.

خاوەنکارەکەم لەگەڵ من میهرەبان بوو و زۆر بە باشی مامەڵەی لەگەڵ کردم، ئەمەش بۆ من زۆر دڵتەنگ بوو. چۆن دەتوانێت ئەوە بکات؟ خۆ ئەو موسڵمان نەبوو کافرێک بوو کە خودای ڕاست و دروستی نە ده ناسی. ئەمەش وای لێکردم کە ڕۆژێک لێی بپرسم: بۆچی بەم شێوەیە مامەڵەم لەگەڵ دەکەیت، ئایا دەزانیت بیری تۆ و ئاینەکەت چییە؟

ئەویش وەڵامی دامەوە: ئه وه شتێکه که یەزدان فێری کردوم، خۆشەویستی و لێخۆشبوون و نوێژکردن بۆ دوژمنەکانم.

ئەو وەڵامە منی توشی شۆک کرد. من به وه سیله ی ئه و زۆر له مس ببوم. چ جیاوازییەک هەیە لەنێوان ئەو کەسەی کە من ناوی کافرم لێناوە و ئەوانەی کە من بە باوەڕدارانی ئایینی خۆم ناودەبەم! ئەو پیاوە زۆر باشتر مامەڵەی لەگەڵ کردم چۆن خودای خۆی فێری خۆشەویستی و لێبوردەیی و نوێژی دوژمنان دەکات، و لەکاتێکدا ئێمه بانگی سەربڕین دەکەین؟

ڕۆژێک خاوەنکارەکەم بانگی کردم بۆ ئەوەی یاوەری بکەم بۆ کڵێسا. ئەمە یەکەم جار بوو کە بانگێشت کرام بۆ ئەوەی بڕۆم بۆ کەنیسە. من سەرەتا دوودڵ بووم، بەڵام وتم هەوڵ دەدەم. ئەمە یەکەم جار بوو لە ژیانمدا چوومە ناو کڵێسایەک. من تۆزێک دەترسام، بەڵام خەڵکەکە سەرسوڕهێنەر بوون. ئەوان بە زەردەخەنە و خۆشیەوە سڵاویان لێکردم. من هەرگیز ئەم ساتانەم لە ژیانم لە بیر ناچێته وه.

من کلێسام خۆشویست، بەڵام لە هەمان کاتدا دەترسام. دەمویست زیاتر بزانم. بۆچی جیاواز بوون؟ نهێنی خۆش و خۆشی و ئاشتییان چی بوو؟ چی وای لە جیاوازی نێوان ئەوان و من کردوه؟

من وەک پەنابەرێک تۆمارکراوم و پێشتر سەردانی نووسینگەی نەتەوە یەکگرتووەکانم دەکرد لە دیمەشق. ڕۆژێک، من ڕیکلامێکم بینی بۆ خوێندنی ئینجیل بۆ خێزانە پەنابەرەکان، بۆیە بڕیارمدا ناوم تۆمار بکەم، بەڵام دەترسام کەسێک بزانیت کە چی دەکەم. من دەمارگیر و سەرلێشێواو بووم و نەمتوانی بخەوم. دەمزانی کە دەبێت بڕیار بدەم.

خودا ئێمە له دوو ڕێگایی ناهێڵێتەوە. دوای دوو ڕۆژ لە ناکۆکی ناوخۆیی، شەوێک خەوتم کە گوێم لە دەنگێک بوو گوتی: مەترسە. دەنگەکە وای لێکردم هەست بە ئاسوودەیی و ئارامی بکەم. من لە خەو هەستام و کەس لە ژوورەکە نەبوو. شەوی دواتر هەمان دەنگم بیست: مەترسە. بەیانی داهاتوو هەستم بە دڵخۆشییەکی نادیار کرد. لە کۆتایدا ترسەکانم کاڵ بوویەوە چەند سەیرە ئەو دەنگەی ترس و سەرلێشێواوی لادەدا! دەمزانی ئەمە دەنگێکە لەلایەن خوداوە یارمەتیم دەدات کە نەترسم و هانم بدات بۆ بەشداریکردن لە خوێندنی ئینجیل.

ڕۆژێک لە سەردانەکەم بۆ ئۆفیسی نەتەوە یەکگرتووەکان بینیم کە گروپێک لە خەڵک لە دەوروبەری شوێنی ڕیکلامەکان کۆبوونەوە. یەکێک لە ڕیکلامەکان بۆ چینێکی عەرەبی بوو سێ کەس پێویست بوو دەست بەم وانانە بکەن، بەڵام پێم وابوو ئەستەمە کەسانی تر حەزیان لە فێربوونی عەرەبی بێت. هەرچۆنێک بێت، ڕێگاکانی خودا جیاوازن لە ڕێگاکانمان دوای هەفتەیەک، لە نووسینگەی نەتەوە یەکگرتووەکانەوە پەیوەندیم پێگەیشت کە خەڵکی تر حەزیان لێبوو، بۆیە تۆماری پۆلی عەرەبی کراوە بوو، خوێندنەکە هەموو پێنج شەممەیەک دەبێت.

من بە هۆی بارودۆخی ژیانمانەوە نەچومە قوتابخانە، بەڵام ڕێگاکانی خودا زۆر سەرسوڕهێنەرن. خودا کەسێکی هێنا کە یارمەتیم دا بۆ بیرکردنەوە لە وشەی یەزدان و گوێ لە فەرموودەکەی بگرم. من لە دڵخۆشی دا بووم و لە لایەن هەمان کەسەوە فێر بووم کە بە زمانەکەم بخوێنمەوە و بنووسم. ئەمە موعجیزەیەک بوو لەلایەن خوداوە.

من ڕۆژ بە ڕۆژ لە زانینی کەسی عیسای یەزدان و خۆشەویستییە بێکۆتاییەکانی گەورە دەبم، ئەویش بە ڕزگارکەر و پەروەردگاری ژیانم قبوڵ دەکەم. ژیان لەگەڵ عیسای پەروەردگار پڕە لە بەختەوەری، من لە هەموو بارودۆخێکدا لەگەڵ خۆم هەست بە ئەو دەکەم، تەنانەت قورسترینیشیان. نوێژەکەم ئەوەیە کە عیسا وەک ڕزگارکەری تایبەتی خۆت قبوڵ دەکەیت.

More Stories
Did Isa (His peace be upon us) say, “I Am Allah; Worship Me”?
كوردی‎