خەونەکانی حه‌زره‌تی یاقوب

یەعقوب دوای ناپاکی لەگەڵ براکەی خۆی لە دەستی براکەی هەڵات و هەستی بە تەنیایی و نائومێدی کرد، بەڵام خودا خەونێکی پێدا بۆ ئەوەی زیندووکردنەوەی مانه‌ویی هەبێت و دەست بکات بە دامەزراندنی پەیوەندییەکی ڕاستەقینە لەگەڵ خودا و وەفاداربوون بە فەرمایشتەکەی. هەروەها بزانێت که ڕەحم و ڕەحمەتی خوا لەگەڵیدا دەبێت.

" یاقوب بیری شابەعی بەجێهێشت و بەرەو حەڕان ڕۆیشت. ئیتر ڕێی کەوتە شوێنێک و لەبەر خۆرئاوابوون لەوێ مایەوە. ئینجا بەردێکی لە بەردەکانی ئەو شوێنە هێنا و خستییە ژێر سەری و ڕاکشا. یاقوب خەونێکی بینی کە تێیدا پێپلیکانەیەک لەسەر زەوی ڕاگیراوە کە سەری لە ئاسمان دەدات و فریشتەکانی خودا پێیدا سەردەکەون و دێنە خوارەوە. وا یەزدان وەستاوە و دەفەرموێت: «من یەزدانم، خودای ئیبراهیمی باوکت و خودای ئیسحاق. ئەو خاکەی لەسەری ڕاکشاویت دەیدەمە خۆت و نەوەکانت. نەوەکەت وەک خۆڵی زەوی دەبێت، بەرەو ڕۆژئاوا و ڕۆژهەڵات و باکوور و باشوور بڵاو دەبیتەوە. هەموو هۆزەکانی زەویش لە ڕێگەی تۆ و نەوەی تۆوە بەرەکەتدار دەبن. من لەگەڵتدام و بۆ هەر لایەک بچیت دەتپارێزم، دەشتگەڕێنمەوە بۆ ئەم خاکە، چونکە وازت لێ ناهێنم هەتا ئەوە ئەنجام نەدەم کە پێم فەرموویت.» کاتێک یاقوب خەبەری بووەوە، گوتی: «بێگومان یەزدان لەم شوێنەیە، منیش نەمزانی!» " ( په‌یدابوون ٢٨: ١٠-١٦).

پاشان یەعقوب لەو شوێنە خودای پەرستش کرد و پەیوەندییەکی نزیک و شەخسی لەگەڵیدا دامەزراند.

More Stories
چیرۆکی نەسرین
كوردی‎